Día do Libro

 Se non queres ser coma eles, le. 

23 de abril - Día do Libro

        Aviso: o vídeo é unha mofa das ideas dos negacionistas.

   Ningún negacionista foi maltratado na rodaxe deste vídeo.

 

Semana da Ciencia

 

Para saber o que fixemos, clica aquí.

6 cousas de π que igual non sabías

•  Hoxe, domingo 14 de marzo (mes 3), celébrase o seu día (lembra: π=3,14...).
•  π é un número irracional, o que quere dicir que non se pode expresar como cociente (fracción)  de dous números enteiros (ten infinitos decimais non periódicos).
• É un número trascendente: non é solución de ningunha ecuación alxébrica de coeficientes enteiros.
• O perímetro da circunderencia é  π veces o seu diámetro.
• O número π é coñecido desde hai miles de anos. No século III a. C, Arquímedes calculou a seguinte aproximación: 223/71<π<220/70
• Mediante algoritmos informáticos, a día de hoxe calculáronse máis de 30 billóns de decimais de π.

 

En 4º da ESO averiguamos o grupo sanguíneo

É de todos coñecido o sistema AB0 de grupos sanguíneos: podemos ser A, B, AB ou 0. Isto débese a   certas proteínas (antíxenos) que poden ter os glóbulos vermellos. Así, os do grupo A teñen antíxeno A; os do B, antíxeno B; os do AB, A e B; e os do grupo 0, ningún. Ademais, no plasma pode haber outras proteínas (anticorpos) que atacan a certos antíxenos e producen aglutinación dos glóbulos vermellos. Por exemplo, o sangue A ten anticorpos anti-B, polo que "ataca" ao sangue do grupo B. Aparte, tamén hai outras proteínas (o factor Rh) que podemos ter ou non (Rh+ e Rh-, respectivamente).

Na aula averiguamos os grupos pinchándonos nun dedo (previamente desinfectado con alcol) e botando 4 gotiñas de sangue nun acetato. Nunha engadimos reactivo anti-A, noutra anti-B, noutra anti-A e anti-B e, na última, anti D (anti-Rh). Segundo se producise ou non aglutinación en cada gotiña, puidemos deducir de que grupo se trataba. Curiosamente, os tres casos (profesor e dous alumnos) deron A+.

Velaquí unhas fotos:

BX4- Leis de Mendel

Para saber máis sobre as Leis de Mendel clica AQUÍ.

BX4- Problemas resoltos de xenética básica

Practica a xenética mendeliana clicando AQUÍ : exercicios resoltos.

Táboa Periódica en 3D

Gústache a Química, digo a Chemistry? Podes ver a Táboa Periódica en 3D neste enlace, coas propiedades de cada elemento (in english, of course).