FQ3 - Gases ideais

Visita esta páxina e aprende as leis dos gases ideais (Boyle, Charles e Gay-Lussac) e a teoría cinética.

Benvidos ó curso 2017-18

Sabes quen é?

• Se o sabes, parabéns: sabes máis cá maioría dos rapaces da túa idade.
• Non, pero gustaríame sabelo (clica AQUÍ)
• Nin o sei nin me importa (clica AQUÍ)

Pingas de ciencia

No Día de Portas Abertas, os alumnos de E.S.O. amosaron ós peques algunhas pequenas pingas de ciencia, divertidas e fáciles de entender. Aquí tedes ós nosos maiores preparando as súas presentacións. Parabéns a eles e grazas a tódolos visitantes.

Semana das Letras Galegas

Na semana das Letras Galegas, o departamento de ciencias preparou uns sinxelos experimentos no laboratorio para achegar a ciencia ós alumnos de 4º, 5º e 6º de Primaria. Como o tema xeral deste ano, dedicado a Carlos Casares, é "O principiño", os rapaces aprenderon como son os volcáns e por que entran en erupción.

Concurso Arquimedianos

Gañadores
Alba (4º) e Jon (3º).
Premio: un vale de 15 € para cada un para gastar en Casa del libro.
Finalistas (por orde de puntuación, de máis a menos)
Diego, Ibrahim, Eva e Uxía C.
Premio: libro sobre ciencia para compartir.

PARABÉNS A TODOS!

Concurso Arquimedianos

 Problema 4
  Cal é a expresión alxébrica da área da figura azul?

                       

Concurso Arquimedianos

Problemas 3 (cada un vale o 50 % do total)

3.1.- Escribimos no encerado varios enteiros positivos distintos. O produto dos dous menores é 16 e o dos dous maiores, 225. Canto suman tódolos números que escribimos?

3.2.- ABCD é un cadrado e BFC un triángulo equilátero. Canto mide o ángulo ADF?

                              

Concurso Arquimedianos

Problema 2

3º ESO:           Mario ten unha clave de acceso a unha conta de 4 díxitos. Sabe que os 4 díxitos suman 9, que ningún deles é 0 e que o número é múltiplo de 5. Ademais, o número é maior que 1555. Que número é?

_________________________________________________

4º ESO:          Que parellas de números enteiros positivos a e b  satisfán que a² - b²=15 ?

Pista: identidade notable

Concurso Arquimedianos

Problema 1

Xustificar que se nun triángulo equilátero de 2 cm de lado debuxamos 5 puntos (en calquera posición, no interior ou nos bordos), como mínimo 2 deles estarán a 1 cm ou menos de distancia.

Pista: principio do pombal ou de Dirichlet.
 

BX4-Mutacións raras: a síndrome de Proteus

                                                      Preme aquí