19 de setembro de 2015

A xeración espontánea (BX4º)

Montaxe experimental coa que Louis Pasteur (1822-1895) refutou definitivamente a hipótese da xeración espontánea:

Le o texto do enlace xeración espontánea e contesta ás preguntas a, b, i, j (correxiranse en clase o xoves 24 de setembro)

12 de xuño de 2015

Saída de E.S.O.

Os alumnos e profesores de E.S.O. percorreron, o venres 12 de xuño, a Ruta da Pedra e da Auga desde Barrantes ata o mosteiro de Armenteira, pola beira do río do mesmo nome. Afortunadamente o tempo foi fresco e non choveu. Un día para gozar da paisaxe.
Déixovos unhas fotos:
























1 de xuño de 2015

Tecnoloxía da avoa

Aquí tedes algunhas fotos da exposición de tecnoloxía antiga que preparou o departamento para o Día de Portas Abertas. Grazas a tódolos profesores e alumnos que colaboraron.

.

17 de maio de 2015

23 de abril de 2015

Newton e Darwin na Semana do Libro

Durante a semana do libro realizamos distintas actividades no colexio. O departamento Científico-Tecnolóxico tratou de achegar as obras de Newton e Darwin aos alumnos de Primaria. Así, os de 2º de E.S.O. prepararon unha biografía de Newton que presentaron na aula de 6º, co propio personaxe- con mazá e todo- de convidado de luxo. Así mesmo, os alumnos de Bioloxía de 4º E.S.O. falaron de Darwin e a súa obra na clase de 5º de Primaria. Ata o propio Darwin, alí presente, tivo certas dificultades para contestar ás preguntas intelixentísimas dos nenos. Parabéns a todos.
Abaixo, algunhas fotos da exposición de 4º de E.S.O.

4 de abril de 2015

Dimorfismo sexual

As pelves humanas son diferentes se pertencen a un home ou a unha muller. Neste último caso, a pelve é máis redondeada e o diámetro da cavidade pélvica é maior, xa que corresponde á canle do parto pola que ten que saír o bebé. As razóns de que o embarazo humano dure nove meses parecen ser dúas: a cabeza do neno ten o tamaño límite para poder pasar polo buraco da pelve e as súas necesidades enerxéticas xa non poden ser cubertas pola nai. 
1- Arco púbico: no home, V invertido; na muller, U invertido
2- Espiñas ciáticas: máis grandes no home
3- Diámetro da cavidade pélvica: maior na muller
4- Sacro e cóccix: cara atrás na muller


18 de marzo de 2015

Esponxa de Menger

Os alumnos de Educación Secundaria do colexio, coordinados polo departamento Científico-Tecnolóxico e  o de Ensinanzas Artísticas, colaboraron na elaboración dunha estrutura fractal chamada esponxa de Menger (dentro das Xornadas IMATXINA que organiza a Escola Rosalía de Castro). Entre eles e os doutros moitos centros da cidade chegouse a construír o nivel 4 desta estrutura, que a día de hoxe está na sede da Fundación Barrié en Vigo. Parabéns a todos eles.




8 de marzo de 2015

Eclipse de Sol

O día 20 de marzo poderemos ver unha eclipse total de Sol, aínda que desde aquí será parcial. Isto quere dicir que a Lúa se interpón entre a Terra e o Sol pero non o tapa totalmente. O feito de que o plano de translación da Lúa ó redor da Terra e desta ó redor do Sol non coincidan fai que non tódolos meses teñamos este tipo de eclipses.
Desde Vigo poderá verse entre as  9:04 e as 11:15  (horario local). O máximo escurecemento terá lugar ás 10:07 h, momento no que estará tapado o 74% do Sol.
OLLO: Non se debe mirar directamente ó Sol durante unha eclipse, nin con gafas de sol, radiografías, etc. Merca unhas gafas específicas nunha óptica e non mires seguido máis duns poucos segundos.

                                  Lugares por onde pasará  a eclipse