19 de setembro de 2020

Ciencia e o que non o é

A ciencia leva moitos anos tratando de pescudar a Natureza. Non é fácil e aínda queda moito por saber.

Os científicos/as traballan arreo para descubrir novos medicamentos que curen, novos produtos químicos ou novas leis que expliquen o universo. Pero o que descubren debe pasar un filtro moi esixente: as probas ou os experimentos que determinan se funciona ou non. Así que non se trata de crer ou non crer, senón de comprobar.

Súmate ao pensamento crítico e non sexas magufo/a.

 Infórmate máis

13 de setembro de 2020

                   SAPERE AUDE

            Benvido/a ao curso 2020-21

27 de xuño de 2020

            Se queres descargar a Táboa Periódica en galego, clica aquí.

16 de maio de 2020

17 de maio - Ciencias Galegas

Estrela Rosalía de Castro, co nome máis prosaico de HD149143, na constelación de Ofiuco, a 240 anos-luz da Terra. O exoplaneta que a acompaña leva o nome de Río Sar, o río ao que cantou a poeta. Rosalía de Castro é unha estrela anana amarela, algo máis masiva có Sol. Ciencia e poesía, como tantas veces, van da man.

29 de febreiro de 2020

13 de febreiro de 2020

11 de febreiro - Día Internacional da Muller e a Nena na Ciencia

A imaxe por difracción de raios X da molécula de ADN, obtida por Rosalind Franklin, permitiu a Watson e Crick deducir a súa estrutura de dobre hélice en 1953. Porén, a contribución de Rosalind pasou case desapercibida, xa que Wilkins, colega seu, enviou a imaxe a Watson e Crick sen o permiso da investigadora, e só en 1962, cando o tres científicos recibiron o Premio Nobel, Wilkins fixo referencia ao traballo de Rosalind. Por certo, esta xa morrera en 1958 dun cancro de ovarios, debido, quizais, á radiación á que estivera sometida durante os seus estudos.


Fotografía 51 de Rosalind Franklin